Հոդվածում ուսումնասիրված է պետության ինստիտուտի արդի կերպափոխումները` պայմանավորված հետարդիական տարրամիտված և անորոշություններով հղի անցումներով: Վերջիններս էլ, հեղինակների կարծիքով տեղեկատվահաղորդակցական ցանցերի գործառման պայմաններում կանխորոշել են քաղաքական, սոցիալական, տնտեսական և ռազմավարական կառավարման բացառիկությունը: Պայմանավորելով հետխորհրդային տարածքում նոր անկախացած պետությունների (նաև ՀՀ—ի) ձևավորման, զարգացման և կերպափոխման առանձնահատկությունները՝ ուսումնասիրված է վեկտորային և բազմավեկտորային զարգացման մարտահրավերների բազմակողմանիությունը: Հեղինակների կարծիքով այս բազմաշերտ արժեքաբանության մեջ, որը Պլատոնից ձգվում է մինչև Հեգել, Կանտ և մեր օրերը պետության ինստիտուտը ուսումնասիրել են որպես հանրային շահի մարմնավորում և անվտանգության երաշխավոր: Առաջարկված է պետության ինստիտուտի կերպափոխումը հետարդիականության անցման պայմաններում ուսումնասիրել արդարություն, ազատություն և սահմանադրությունից՝ սահմանադրականություն անցման հասկացությունների գործառման տիրույթներում:
Պետության ծագումը մարդկության զարգացման օրինաչափ գործընթաց է: Դ. Կոլան պետության ծագման վերաբերյալ գրում է. «Պետությունը (Etat) լատինական ծագում ունեցող stare բառից է` իր մեջ ներառում է կայունության և հիմնականության գաղափարը: «Պետություն» հասկացությունը (հուն. Polis), որը միաժամանակ նաև քաղաք է կամ (koinonia politike)՝ քաղաքացիական և քաղաքական, հասարակական, լատինական՝ (Imperium) կայսրություն, իշխանություն, իսկ տիրոջն ենթակա (dominium), քաղաք՝ Civitas, Urbs, այստեղից էլ՝ հանրային գործ (res publica)»: Պլատոնը պետությունն ընկալում էր որպես արդարության կառավարիչ [1, с. 282]: Читать далее